Skólastjóri Listaháskóla Íslands, Fríða Björk Ingvarsdóttir, og eiginmaður hennar, Hans Jóhannsson, keyptu glæsihús Þorsteins Víglundssonar og Lilju Karlsdóttur.
Um er að ræða húseignina Stórakur 9 í Garðabæ en fasteignamat hússins er rúmlega 107 milljónir króna.
„Í eldhúsinu er hvít sprautulökkuð innrétting með risastórri eyju sem er með steyptri borðplötu. Stór gaseldavél prýðir eldhúsið sem er í hjarta hússins. Loftin í húsinu eru steypt og fær grái steypuliturinn að njóta sín vel. Parketlögð gólf skapa hlýleika á móti steyptu loftunum og hvítmáluðu veggjunum,“ sagði í umfjöllun Smartlands um húsið.