Leikkonan og tískugyðjan Chloë Sevigny hefur sett íbúð sína í New York á sölu, en slotið er staðsett í Brooklyn Park Slope-hverfinu eins og fram kemur í frétt Daily Mail.

Íbúðin hefur að geyma fjögur svefnherbergi og þrjú baðherbergi og fer leikkonan fram á 2,75 milljónir Bandaríkjadala, eða tæpar 314 milljónir íslenskra króna, í skiptum fyrir hana.

Að sjálfsögðu er íbúðin öll hin glæsilegasta, enda heimili svölustu stelpu í heimi, eins og Sevigny hefur lengi verið kölluð.