Söngkonan Gwen Stefani hefur sett glæsihýsi sitt á sölu, en húsinu deildi hún með fyrrverandi eiginmanni sínum Gavin Rossdale.
Stefani og Rossdale festu upphaflega kaup á húsinu árið 2006 og borguðu þá 13,2 milljónir Bandaríkjadala, eða rúmlega 1,5 milljarða íslenskra króna, fyrir herlegheitin.
Stefani ætlar ekki að tapa á sölunni því hún fer fram á 35 milljónir dollara, sem samsvarar rúmum fjórum milljörðum íslenskra króna, í skiptum fyrir húsið.
Húsið er að sjálfsögðu ekkert slor, en þar er að finna sjö svefnherbergi, 11 baðherbergi, gestahús, sundlaug, tennisvöll og hænsnakofa.
Eins og sjá má í frétt Daily Mail eru Stefani og Rossdale ekki einu stórstjörnurnar sem búið hafa í húsinu, því Jennifer Lopez átti heima í því á árunum 2000-2004.