Dásamleg híbýli í agnarsmáu plássi

Lítil og þröng íbúðarrými þurfa svo sannarlega ekki alltaf að vera slæmur kostur.

Með útsjónarsemi og góðu skipulagi má skapa einstaklega falleg híbýli í agnarsmáu plássi.
Á meðfylgjandi myndum sem www.dailymail.uk.co tók saman af Instagram frá fagurkerum alls staðar að má fá margar frábærar hugmyndir enda augljóslega hugsað í lausnum og út fyrir rammann.

Þrátt fyrir lítinn gólfflöt tekst þeim öllum að koma ótrúlegustu hlutum fyrir með því að raða rétt saman, nýta veggina og lofthæðina.

Sjón er sögu ríkari.

Hér eru veggirnir notaðir sem geymsla en hjólið sem hangir á veggnum setur einnig skemmtilegan svip á herbergið. Instagram

Elegant stofu og skrifstofurými. Hér gengur allt upp á ótrúlegan hátt því húsgögnin eru í grófari kantinum en uppröðunin smellur alveg saman. Instagram

Svefnherbergi og stofa á sama blettinum. Með þessu smáa sófasetti, skemmtilegri uppröðun og snyrtimennsku lítur þetta rými bara stórvel út. Instagram

Þröngt mega sáttir sitja á ágætlega við í þessu tilviki. Hér er búið að byggja kojur úr vörubrettum, sem og sófaborð. Þess á milli eru hlýleg húsgögn, rammar, púðar og blóm sem gera rýmið svolítið hlýlegt.

Hér má sjá nýtískulega og smart útgáfu af vel nýttu rými. Hillan í miðjunni gerir ótrúlega mikið fyrir plássið. Instagram

Útsjónarsemi í unglingaherbergi. Hér er unnið í góðum lausnum. Instagram

• Blogga um frétt