Dýrasta húseign Bandaríkjanna er komin á sölu. Um er að ræða húsnæði í Bel Air í Los Angeles í Kaliforníu. Þar er enginn kotbúskapur og ætti að vera sæmilegt pláss fyrir vísitölufjölskyldu og jafnvel nokkra gesti.
Í húsinu eru tvær svítur fyrir íbúa auk 10 svíta fyrir gestkomandi. Tryggt er að enginn þurfi að bíða lengi eftir því að komast á klósettið þar sem 21 baðherbergi er til staðar. Þá á greinilega engum að leiðast þar sem fimm barir, bíósalur, keiluhöll, sundlaug og fullbúinn líkamsræktarsalur eru meðal þess finna má í húsinu. Þá þurfa íbúar ekki að reiða sig á almenningssamgöngur þar sem þyrlupallur er til staðar á þaki hússins.
Húsið kostar litla 30 milljarða.