Við Strandveg í Garðabæ stendur glæsileg þriggja herbergja íbúð á efstu hæð. Mikil lofthæð er í íbúðinni og ákaflega fallegt útsýni. Íbúðin er 124 fm að stærð og stendur í húsi sem byggt var 2004.
Í íbúðinni eru eikar-innréttingar í forgrunni, bæði í eldhúsi og á baði. Einnig eru eikar-innihurðir í íbúðinni. Íbúðin er parketlögð með breiðum gólffjölum og kemur þetta vel út á móti húsgögnum og húsmunum.
Húsráðendur hafa búið sér smekklegt heimili á Strandveginum og má sjá margar sniðugar hugmyndir fyrir þá sem þrá að hafa fínt heima hjá sér.