Ein flottasta íbúð landsins er komin á sölu. Hún er staðsett við Eskihlíð í Reykjavík og er í eigu Þorvaldar Skúlasonar. Þorvaldur hefur alltaf verið áberandi íslensku samfélagi og hefur gert ýmislegt sniðugt í gegnum tíðina. Hann bjó til dæmis til skemmtistaðinn b5 og um tíma var hann hótelstjóri á 101. Svo er hann mjög góður í því að gera fallegt í kringum sig eins og sést á íbúðinni við Eskihlíð.
Íbúðin er 120 fm að stærð og stendur í húsi sem byggt var 1948.
Hvíti liturinn er áberandi í íbúðinni en í stofunni eru hvít húsgögn, allt hvítmálað og hvítar þunnar gardínur eru fyrir gluggunum.
Í eldhúsinu er innrétting með burstuðu stáli, stór gaseldavél og opnar hillur. Í íbúðinni á hver hlutur sinn stað og stíllinn er persónulegur og smart. Það sem er samt langflottast í íbúðinni er bólstraða útihurðin. Hún fær toppeinkunn.