Eftir að Bretar kusu sig út úr Evrópusambandinu á síðasta ári gaf ríkisstjórn Bretlands það út að þeir væru að íhuga breytingar á vegabréfinu. Ekki að ástæðulausu enda er nafn Evrópusambandsins framan á vegabréfinu. Hönnunartímaritið Dazeen ákvað því að efna til samkeppni um nýtt útlit á breska vegabréfinu.
Samkeppnin er ekki á vegum breska ríkisins og því ólíklegt að vinningstillagan verði að framtíðarvegabréfi Breta. Hins vegar eru peningaverðlaun fyrir fyrstu þrjú sætin og hönnunin verður til sýnis á Hönnunarsafninu í London. Dazeen lítur á það að hönnun á nýju vegabréfi geti sýnt jákvæða ímynd af bresku þjóðinni.