Fólk þrífur oftast sömu augljósu hlutina eins og klósettið og speglana en gleymir öðrum hlutum sem eru ekki eins augljósir eins og fjarstýringum og fjölnota búðapokum. Lonny fór yfir nokkra hluti sem fólk gleymir oft að þrífa.
Hárburstinn
Það er ágætt ráð að taka öll gömlu hárin úr hárburstanum og setja hann í heitt vatn með sjampói.
Ruslatunnur
Þrátt fyrir að þú sért með poka í ruslatunnunni þá er líklegt að tunnan sjálf sé skítug.
Síminn
Flestir eru alltaf með símann á sér, það borgar sig að þrífa hann reglulega.
Sturtuhengið
Sturtuhengi verða skítug og svo er hætta á myglu.
Fjarstýringar
Gott er að fara yfir fjarstýringar með tusku.
Fjölnota búðapokar
Það er gott að skella fjölnotabúðapokum í þvott.
Hurðarhúnar
Fólk er sífellt að koma við hurðarhúna og því fylgja sýklar.
Plöntur
Það þarf að þrífa plöntur rétt eins og maður vökvar þær. Heimilisplöntur safna oft miklu ryki.
Dyramotta
Það þarf að gera meira en bara dusta dyramottu enda margir skítugir skór sem snerta hana.
Uppþvottagrindin
Það getur myndast mygla á uppþvottagrindinni ef hún er aldrei þvegin.
Lampaskermar
Það getur verið ótrúlega mikið af ryki.