Við Lynghóla í Garðabæ stendur ákaflega sjarmerandi hús sem hannað var að innan af Helgu Vilmundardóttur.
Húsið var byggt 2014 en það er 206 fm að stærð. Í húsinu er mikið lagt upp úr því að húsráðendur hafi það sem best. Á þaksvölum hússins er til dæmis heitur pottur þannig að hægt er að láta þreytuna líða úr sér eftir erfiðan vinnudag í skjóli frá öllu og öllum. Þar er líka hægt að hafa sófasett eins og núverandi eigendur sýna.
Á neðri hæðinni er mjög flott bókahilla undir stiganum sem nýtir pláss sem annars hefði verið vannýtt.