Smartland fagnar 6 ára afmæli sínu í dag en það hóf göngu sína hinn 5. maí 2011. Smartland varð strax ein af vinsælustu lífsstílsvefjum landsins og hefur átt mikilli velgengni að fagna. Í tilefni af afmælinu langar Smartlandi að gleðja einn heppinn lesanda með stækkanlegu garðborði og sex stólum frá sænska móðurskipinu IKEA.
Borðið er úr ÄPPLARÖ línunni og það er stækkanlegt og í stærstu stillingu geta tíu manns setið við það þannig að vel fari um alla. Borðið er úr brúnum gegnheilum við og ákaflega fallegt. Auk borðsins ætlar Smartland í samráði við IKEA að gefa sex stóla við með sessum til að hámarka þægindin.
Hægt er að leika sér endalaust með borðið því hægt er að fella hliðarnar niður. Auk þess er gat í miðju þess fyrir sólhlíf.
HÉR er hægt að lesa nánar um þetta fantaflotta garðborð sem gerir pallinn ennþá flottari.
Til þess að taka þátt í leiknum þarftu að fara inn á Facebook-síðu Smartlands og segja okkur hvers vegna þú ættir að vinna þetta fantaflotta garðborð og sex stóla.