Fékk alveg frjálsar hendur

mbl.is/Guðfinna Magnúsdóttir

Sæbjörg Guðjónsdóttir innanhússhönnuður fékk það verkefni að hanna 12 fm baðherbergi í nýlegu húsi. Húsið var tilbúið til innréttinga þegar hún var ráðin í verkið síðasta vor. Steinn mætir speglum og er svarti liturinn áberandi. 

„Þar sem upprunalegt skipulag hentaði ekki alveg breytti ég því með því að færa klósettið og stúka það af. Eins byggði ég tröppu upp í innbyggt baðkarið til að útkoman væri svolítið grand og í svokölluðum „roman tub“-stíl. Veggurinn aftan við baðið var svo þykktur að hluta með óbeinni lýsingu sem gefur þægilega stemningu þegar legið er í baðinu. Þó að rýmið sé frekar stórt er lagið á því nokkuð ópraktískt og því ákvað ég að setja langan marmarabekk með innbyggðum einhalla vaski og spegil alveg yfir sem kom virkilega vel út,“ segir Sæbjörg.

Hvernig baðherbergi vildu húsráðendur fá?

„Ég fékk frekar frjálsar hendur og eigandinn, sem er karlmaður, var mjög opinn fyrir nýjum hugmyndum. Mig langaði því til þess að rýmið væri frekar „masculine“ í takt við húsráðanda og hann var mjög sáttur við lokaútkomuna,“ segir hún.

Flísarnar koma frá Parka og heita Moro.

„Flísarinn stóð sig svo alveg frábærlega og á heiður skilinn fyrir vel unnið verk. Bekkurinn og vaskur er úr Fior Di Bosco-marmara og var smíðað af Fígaró,“ segir hún.

Innréttingarnar voru sérsmíðaðar hjá GKS úr dökkbæsaðri eik. Blöndunartækin eru svört en þau voru sérflutt inn að utan.

„Kraninn er mjög skemmtilegur og hægt er að kveikja á honum bæði með skynjara og handfangi,“ segir hún.

Bakkinn kemur frá Vigt, sápur og kollur koma frá Módern. Handklæðaslána smíðaði Suðulist en af henni kemur skemmtilegur skuggi.

Finnst þér íslensk heimili vera að breytast?

„Já, það finnst mér. Fólk er að verða óhræddara við að gera breytingar og mála til dæmis í litum og dekkri tónum. Ég finn líka fyrir því í auknum mæli að mínir kúnnar leita ekki bara til mín með aðstoð við skipulag og hönnun innréttinga, heldur vilja þeir einnig fá mig til að finna til húsgögn, aukahluti og fleira. Það getur farið mikill tími í að finna réttu húsgögnin og gardínur. Fólk er farið að átta sig á því að oft er betra að fá bara aðstoð frá hönnuði sem veit oft hvað er til og hvað gengur upp í rýminu. Ég er líka óhrædd við að kaupa erlendis frá þar sem úrvalið getur oft verið meira en hér heima.“

Hvað er vinsælast núna?

„Blár er ansi vinsæll, en ég held að djúp dökkgrænn og dempaður vínrauðbrúnn verði ansi heitir á næstu árum. Ég er alltaf skotin í messing og bronsi en silfrið fer að koma sterkt inn aftur. Það sem er heitt er „layering“, að blanda saman lögum af réttum litum, efnum, húsgögnum og fylgihlutum á frekar mínímalískan hátt. Allt á sinn stað, áreynslulaust en samt úthugsað. Efnin eru svo áfram aðeins þykkari og meira djúsí eins og velúr og þá sérstaklega svokallaðar viscose-mottur. Ég held svo reyndar að við förum að teppaleggja í auknum mæli í bland við viðar og flísalögð gólf, það er svo kósý.“

Hvað um efnivið eins og granít og marmara, er eitthvað eitt vinsælla en annað í því?

„Mér finnst granítið vera að detta meira út eftir að kvartsið kom en það er þó ennþá notað. Ég hef alltaf verið hrifin af marmara og hann er til í svo óendanlegum gerðum. Íslendingar mættu bara vera aðeins óhræddari við að nota hann.“

mbl.is/Guðfinna Magnúsdóttir
mbl.is/Guðfinna Magnúsdóttir
mbl.is/Guðfinna Magnúsdóttir
mbl.is/Guðfinna Magnúsdóttir

Endalaus tækifæri á Instagram

12:00 Ferðaljósmyndarinn Ása Steinars segir Instagram vera skrítinn stað. En Ása nær að samtvinna tvö af sínum aðaláhugamálum, ferðalög og ljósmyndir, á Instagram. Meira »

Þegar gólfefni er valið

09:00 „Okkur hjónin greinir á um hvernig við högum gólfefnum á milli herbergja. Ég vil endilega halda í gamlan sjarma gólfefnanna með því að halda sem flestu en bara pússa upp parketið. Maðurinn minn aftur á móti vill helst flota allt og lakka.“ Meira »

Teiknar stjörnurnar með augnskugga

06:00 Þessi 15 ára stelpa teiknar andlit stórstjarna á augnlokin sín með snyrtivörum.  Meira »

Sjáið hús frægasta rappara heims

Í gær, 23:59 Hús rapparans sáluga, Tupac, er nú til sölu í Los Angeles fyrir tæplega 300 milljónir íslenskra króna.  Meira »

Fær 330 þúsund frá sykurmömmu

Í gær, 21:00 27 ára karlmaður segir frá því hvernig það er að eiga eitt stykki sykurmömmu.   Meira »

Hamingjusamt fólk á þetta sameiginlegt

Í gær, 18:00 Fólk sem er hamingjusamt kýs frekar að eiga frítíma í stað þess að eiga mikinn pening. En það er markmið flestra í lífinu að verða hamingjusamir. Meira »

Léttari og styttri línur áberandi í sumar

í gær Hárgreiðslumeistarinn Sigrún Davíðsdóttir, sem starfar á hárgreiðslustofunni Senter, er svo sannarlega með puttann á púlsinum þegar kemur að hártískunni. Meira »

300 milljóna króna partýhús

Í gær, 15:00 Húsið var byggt árið 1957 og hefur lítið breyst síðan.  Meira »

Vinsælustu snapparar landsins

í gær Snapparar eru einstaklingar sem að eru með opinn Snapchat-aðgang og gefa fylgjendum sínum innsýn í sitt daglega líf.   Meira »

Líta betur út þyngri en léttari

í gær Tölurnar á vigtinni eru ekki það sem skiptir mestu máli. Heilbrigður og flottur líkami er ekki endilega léttur líkami. Konur hafa verið duglegar að birta myndir af sér þar sem þær líta betur út þyngri en léttari. Meira »

Svona slakar þú almennilega á í fríinu

í fyrradag Hvernig þú upplifir ferðalagið getur skipt sköpun í andlegri vellíðan.  Meira »

Kærastinn á erfitt með að fá fullnægingu

í fyrradag „Þegar við erum saman í rúminu hefur hann enga sérstaka löngun í venjulegar samfarir. Besta leiðin fyrir hann virðist vera að fróa sér sjálfur. Þannig eru meiri líkur á fullnægingu hjá honum og sáðláti.“ Meira »

Sex merki sem gáfaðir bera með sér

í fyrradag Það er fleira en bara hátt skor á greindavísitöluprófi sem gefur til kynna hvort fólk sé gáfað eða ekki.   Meira »

Sköllóttir og sexý

21.7. Það eru fjölmargir glæsilegir íslenskir karlmenn sem bera skallann með mikilli reisn. Það er því ekkert óttast þótt hárið sé byrjað að þynnast. Meira »

Maður með gervifót kosinn Herra England

21.7. Jack Eyers, Herra England, er 28 ára gamall, fyrirsæta og líkamsræktarþjálfari. Þetta er í fyrsta skipti sem maður sem hefur misst útlim vinnur keppnina. Meira »

Smart tekk-íbúð í Laugardalnum

20.7. Lítil og sæt íbúð við Kirkjuteig í Reykjavík er komin á sölu. Tekk-húsgögn sóma sér einstaklega vel í íbúðinni í bland við persónulega muni. Meira »

Margrét Lára selur íbúðina

í fyrradag Knattspyrnukonan Margrét Lára Viðarsdóttir og sjúkraþjálfarinn Einar Örn Guðmundsson hafa sett fallega útsýnisíbúð sína í Selásnum á sölu. Meira »

Karlotta prinsessa í notuðum skóm

21.7. Rauðu skórnir sem Karlotta prinsessa klæddist í Póllandi í vikunni voru áður í eigu frænda hennar, Harry Bretapins.   Meira »

Bestu stellingarnar þegar þú ert stressuð

20.7. Ef konur eru stressaðar getur það komið í veg fyrir að þær fái fullnægingu. Það er því um að gera að reyna stunda kynlíf í stellingum sem eru góðar fyrir stressið. Enda hjálpar fullnæging í stressinu. Meira »

Hlaupa með hjólastóla

20.7. Slökkviliðsmenn ætla að gefa einstaklingum sem ekki geta hlaupið í Reykjavíkurmaraþoninu tækifæri til að fara 10 kílómetra með því að hlaupa með þá í hjólastól. Þetta er í ellefta skipti sem slökkviliðsmennirnir taka upp á þessu. Meira »
Meira píla