Verönd og útsýni fyrir allan peninginn

Stórleikarinn Jeff Bridges seldi nýverið stórglæsilegt hús sitt í Kaliforníu en hann á að hafa fengið rúman einn og hálfan milljarð fyrir húsið samkvæmt Elle Decor. 

Húsið er með fimm svefnherbergjum og sex baðherbergjum og er hannað í ítölskum stíl. Glæsileg verönd og útiaðstaða vekur sérstaka eftirtekt. Örugglega ekki slæmt að búa við þennan aðbúnað í kaliforníska loftslaginu. Útsýnið yfir kyrrahafið af veröndinni er með því glæsilegra sem sést.