Eitt fallegasta bárujárnshús miðbæjarins er komið á sölu. Húsið er í eigu Tinnu Gunnlaugsdóttur og Egils Ólafssonar sem hafa hugsað afbragðsvel um húsið í gegnum tíðina.
Húsið stendur á vinstri hönd þegar Grettisgatan er keyrð. Garðurinn er í suður og hægt er að labba úr borðstofunni beint út á verönd. Húsið er 253 fm og var byggt 1903. Fallegt skipulag er á húsinu og mikið lagt í að gera það sem hlýlegast.
Eins og sjá má á myndunum eru allar innréttingar smíðaðar í stíl við húsið og nostrað við hvert krók og kima.