Arkitektúr húsa getur verið alls konar en oftast á hönnunin það sameiginlegt að líkjast formi sem við tengjum við hús. Það þarf þó ekki alltaf að vera svoleiðis og mætti nefna Frelsisstyttuna í New York í því samhengi. Architectural Digest tók saman nokkrar byggingar sem minna á aðra hluti en hús.
Binoculars-byggingin í Los Angeles
Frank Gehry teiknaði þessa byggingu en kíkirinn sem hún dregur útlit sitt af er flottur.
Basket-byggingin í Ohio
Byggingin sem er eins og karfa var kláruð árið 1997 og hýsir fyrirtæki.
Lucy the Elephant í New Jersey
Fíllinn Lucy er sex hæða bygging sem var byggð sem aðdráttarafl í New Jersey árið 1881.
Cabazon Dinosaurs í Kaliforníu
Um er að ræða tvær risaeðlur sem voru byggðar sem aðdráttarafl fyrir nálæga veitingastaði. Byggingin hýsir nú safn og gjafavöruverslun.