Snilldarskipulag hjá Gwyneth Paltrow

Gwyneth Paltrow kemur fyrir sjónir fólks sem manneskja sem er með allt sitt á hreinu. Engu að síður fékk hún þær Cleu Shearer og Joanna Teplin hjá The Home Edit til að hjálpa sér við að skipuleggja geymsluplássið heima hjá sér. 

Stöllurnar birtu myndir af búrskáp Paltrow og leikherberginu. En þeim fannst skemmtilegast að skipuleggja leikherbergið. Þar skiptu þær herberginu upp og bjuggu til svæði fyrir lestur, leiki, vísindi, list og föndur. 

Við skipulagninguna nota þær mikið merkimiða, flokka, litaflokka, setja hluti í kassa og körfur. Hljómar ef til vill ekki svo flókið en einhverra hluta vegna er þetta svona heima hjá fæstum.