Ingibjörg Elísabet Garðarsdóttir vann glæsilegt garðborð ásamt sex stólum frá IKEA í afmælisleik Smartlands. Smartland varð 6 ára 5. maí síðastliðinn.
Ingibjörg varð mjög glöð þegar hún tók á móti vinningnum í IKEA í Kauptúni. Hún er nýflutt í hús sem er með 80 fm palli og koma garðhúsgögnin að góðum notum.
Borðið er úr ÄPPLARÖ línunni frá IKEA og það er stækkanlegt og í stærstu stillingu geta tíu manns setið við það þannig að vel fari um alla. Borðið er úr brúnum gegnheilum við og ákaflega fallegt.