Búðu til sætan garð á svölunum

Það þarf ekki risa pall og stóran grasblett með blómabeðum til þess að geta notið sólarinnar á því útisvæði sem fylgir húsnæði manns. Það eru til ótal leiðir til þess að gera litlar svalir notalegar. 

Flott er að koma fyrir góðu undirlagi úr við en mottur er líka vinsælar. Svo má koma fyrir útihúsgögnum og skreyta með sessum, púðum og teppum. Það þarf þó að hugsa út í óútreiknanlegu veðráttuna á fróni og því getur verið góð leið að geta geymt sessur í hirslum á svölunum sem jafnframt er hægt að nota sem bekki eða borð. 

Síðast en ekki síst er um að gera að skreyta svalirnar með grænum plöntum, blómum eða jafnvel rækta kál en það er alveg eins hægt að rækta kál yfir sumarið úti á svölum eins og úti í garði.