Konan á bak við blómaskreytingar Beyoncé

Mikið umtal hefur verið í kringum myndir sem Beyoncé birti á Instagram bæði þegar hún tilkynnti óléttu sína og þegar hún birti fyrstu mynd af tvíburum sínum. Á báðum myndum er stórfengleg blómaskreyting fyrir aftan söngkonuna sem blómaskreytingakonan Sarah Lineberger hannaði. 

Blómaskreytingin skartar meðal annars rósum og fagurfíflum í alls kyns litum og er hún gjörsamlega stórkostleg.

Konan á bak við skreytinguna, Lineberger, er aðeins 28 ára gömul og hefur verið að vinna við blómaskreytingar síðan hún var 15 ára. Lineberger var fljót að koma sér á toppinn í bransanum og hefur aldrei verið farsælli en fyrir nokkrum dögum gerði hún stórfenglega blómaskreytingu fyrir Miley Cyrus.

Í viðtali við tímaritið Curbed sagðist Lineberger fyrst ætla að gerast innanhússhönnuður, en svo hafi hún séð hvað blóm geta umbreytt rými og ákvað að einbeita sér aðeins að blómaskreytingum.  

Lineberger segist reyna að skapa blómaskreytingar sem eru allt öðruvísi en fólk er vant og leikur sér að því að koma fólki á óvart.