Gróf sveitastemming hjá HAF studio

HAF studio fékk það verkefni að hanna innréttingar í nýja búð Rammagerðarinnar í nýju eldfjallasetri á Hvolsvelli. Hafsteinn Júlíusson hönnuður hjá HAF studio segir að þau hafi viljað upphefja grófa íslenska sveitastemmingu á nútímalegan og fágaðan hátt. 

„Basalt Arkitektar teiknuðu húsið og féll þeirra hönnun mjög vel að okkar pælingum þar sem notuð eru náttúrlega gæðaefni sem eiga það öll sameiginlegt að veðrast vel með tímanum,“ segir Hafsteinn. 

Nóg hefur verið að gera hjá HAF studio og er ekkert lát á en ásamt því að vera vinna að veitingastað og verslun eru þau að setja upp nýja verslun og flytja vinnustofuna á Geirsgötu í gamla verbúð. 

Hér má sjá myndir af nýju búðinni.