Stundum á hreinlega „less is more“ ekki við. Hin bandaríska Kelly Bryant er með mikla ástríðu fyrir gömlum munum enda er húsið hennar yfirfullt af hlutum sem eiga sér langa sögu. Bryant stofnaði antíksölu á Instagram og má því í raun segja að hún búi í sinni eigin antíkverslun.
Mikil litagleði ríkir á heimilinu og það liggur við að það sé eins og koma inn í nýtt hús þegar farið er á milli herbergja. En það var einmitt ósk eiginmanns Kellyar þegar þau fluttu inn.