Við Hringbraut 48 stendur fallegt hús en í húsinu er 143 fm íbúð sem byggð var 1937. Steinþór Kára arkitekt hannaði endurbætur á íbúðinni í samráði við eigendur. Innréttingin í eldhúsinu passar vel inn í rýmið og keyrir upp sjarmann í eldhúsinu. Allt spilar vel saman í því rými, innréttingin sjálf, hillan fyrir ofan, borðplatan og ljósin.
Á gólfunum er sérvalin eik frá Agli Árnasyni og passar parketið vel við grámálaða veggi og stíflakkaðar innihurðar.