Kristín Ingólfsdóttir prófessor og Einar Sigurðsson forstjóri hafa sett glæsilegt einbýlishús sitt við Fákahvarf á sölu. Rut Káradóttir hannaði húsið að innan en Sigurður Hallgrímsson arkitekt hannaði húsið sjáft. Þetta samspil tveggja arkitekta er ákaflega vel heppnað. Í húsinu er notaleg stemning og hlýlegt um að litast en húsið er á þremur pöllum.
Úr húsinu er útsýni yfir Elliðavatn og eru allar innréttingar í húsinu sérsmíðaðar. Hiti er í öllum gólfum og innbyggð lýsing og ljósastýringakerfi.
Kristín og Einar hafa búið sér fallegt heimili eins og myndirnar á fasteignavefnum sýna.