Við Eskiholt í Garðabæ stendur 303 fm einbýli sem er svo innilega ekki eins og öll önnur íslensk heimili. Heiðarlegur sveitastíll nýtur sín út í gegn. 

Eldhúsið er algerlega hjarta hússins og er stórt og rúmgott með afbragðs hilluplássi. Fólk sem elskar að vera í eldhúsinu og elda dýrindismat á eftir að vera hrifið af eldhúsinu. Um er að ræða hvíta sprautulakkaða innréttingu með fulningahurðum. Á gólfunum er parket með fiskibeinamunstri og er allt tréverk í húsinu lakkað í hvítum lit. 

Heildarmyndin á þessu heimili er skýr og það fer ekki fram hjá neinum að húsráðandi veit nákvæmlega hvernig hann vill hafa hlutina. 

Af fasteignavef mbl.is: Eskiholt 10