Glæsilegt einbýlishús í Setberginu í Hafnarfirði er komið á sölu en húsið var í eigu þeirra Eiríks Smith listmálara og eiginkonu hans Bryndísar Sigurðardóttur. Hjónin féllu frá á síðasta ári en Hróbjartur Hróbjartsson teiknaði húsið sérstaklega fyrir þau.
Það fer ekki á milli mála að listamaður og listunnendur bjuggu í húsinu en húsið er yfirfullt af myndlist, bæði málverkum og skúlptúrum. Fylgja til að mynda útilistaverk eftir Erling Jónsson húsinu.
Eríkur bjó ekki bara í húsinu heldur vann hann þar einnig og er 120 fermetra vinnustofa hans hluti af húsinu.