Villa Les Cèdres er stórglæsilegt hús í Suður-Frakklandi en nú ætla eigendurnir að selja húsið. Ásett verð er 350 milljónir evra sem samsvarar tæpum 44 milljörðum íslenskra króna og er það dýrasta húsi í heimi samkvæmt Bloomberg.
Vínframleiðandinn Davide Campari-Milano á villuna sem var byggð árið 1830. Á 19. öldinni var stunduð ólífuræktun þar og er að finna 300 ára gömul ólífutré á landareigninni.
Það er villandi að tala um Villa Les Cèdres sem hús þar sem villan líkist frekar höll. Íburðurinn er mikill og hæfir kóngafólki. Raunin er reyndar sú að snemma á 20. öldinni keypti Leópold annar, konungur Belgíu, 14 svefnherbergja höllina og dvaldi þar í fríum.