Sigríður Halldórsdóttir, sjónvarpskona á RÚV, hefur sett íbúð fjölskyldunnar á sölu. Hreinræktaður retró-stíll einkennir íbúðina og er nostrað við hvert horn í íbúðinni. Íbúðin er 94 fm að stærð og stendur í húsi sem byggt var 1958.
Gólfefnin í íbúðinni setja svip sinn á hana en linóleumdúkar eru á nær allri íbúðinni. Þessir dúkar eru ekki bara fallegir og retró heldur er ákaflega gott að þrífa þá.
Í íbúðinni eru tekk innihurðir og steint gler sem setur svip sinn á heimilið. Stofa og borðstofa eru í sama rými og setja hansa-hillurnar svip sinn á stofuna.