Rakel Hlín Bergsdóttir, eigandi Snúrunnar, á undursamlega fallegt heimili í Kópavogi þar sem speglar og annað fínerí fær að njóta sín.
Rakel og eiginmaður hennar eiga fjögur börn og í vetur ættleiddu þau hund. Hún segir að hundurinn hafi gert mikið fyrir heimilislífið, nú fari þau hjónin oftar í göngutúra tvö saman með hundinn og það sé gott fyrir ástarsambandið.
Verslunina Snúruna opnaði Rakel Hlín fyrir nokkrum árum en hún selur fallegar heimilisvörur eða allt frá kryddi upp í kristalsborð og skrautspegla.