Hvítu handrenndu jólatrén frá Postulínu prýða heimili margra fagurkera, en þau voru fyrst framleidd árið 2012. Í ár eru trén fyrst fáanleg í svörtu, en um sérverkefni fyrir NORR11 er að ræða. Svörtu trén koma í nokkrum stærðum og eru ýmist með mattri áferð eða háglans. Hvert og eitt jólatré er einstakt að sögn Guðbjargar Káradóttur leirkerasmiðs. „Það eru engin tvö tré eins enda er þetta allt handrennt.“
Þess má geta að svörtu trén verða eingöngu fáanleg í NORR11 á Hverfisgötu.