Góss upp á hundruð milljóna

Fyrrverandi fótboltakappinn David Beckham fór alla leið í jólagjafainnkaupunum árið 2005 þegar hann gaf eiginkonu sinni, tískuhönnuðinum Victoriu Beckham, nokkrar rándýrar gjafir sem erfitt er að toppa.

Hér má sjá Victoriu Beckham með töskuna frá Hermés sem er demantaskreytt.

Fyrsta gjöfin mun hafa verið Hermés-taska skreytt demöntum sem kostaði sem nemur um 11,4 milljónum króna. Hún er ekki eina manneskjan í heiminum sem á svona tösku því auðvitað á lúxusspariguggan, Kim Kardashian, svona tösku. Einhvern tímann gerði töskusíðan purseblog.com skoðanakönnun hvor væri flottari með þessa rándýru tösku. 

Því næst færði hann henni sérútbúinn Rolls Royce-bíl sem metinn er á um 57 milljónir króna. Og að lokum var það Boucheron-hálsmen með demöntum og rúbínum sem mun hafa kostað um 273 milljónir. Algjört lágmark.