Golli / Kjartan Þorbjörnsson

Elín Albertsdóttir elal@simnet.is

Þau leiðu mistök urðu þegar þessi uppskrift birtist fyrir viku að vatnsmagn var rangt. Hér kemur uppskriftin aftur og nú rétt. Þessi eftirréttur er ávallt vinsæll um hátíðir. Hann hefur fylgt kynslóðum en margir þekkja hann frá ömmum sínum eða langömmum.

5 eggjarauður

5 msk. sykur

1 dl sérrí

3 dl rjómi

4 plötur matarlím

Leggið matarlímið í kalt vatn í 5 mínútur til að mýkja það.

Þeytið saman eggjarauður og sykur. Bætið sérríi og þeyttum rjóma saman við.

Sjóðið ½ dl af vatni og kælið aðeins niður. Hrærið einni og einni matarlímsplötu saman við þar til það leysist upp. Hellið matarlíminu í mjórri bunu út í eggjahræruna.

Hellið frómasnum í glös eða fallega skál og látið stífna yfir nótt. Skreytið með ferskum berjum að vild.