Marta María martmaria@mbl.is

Áttu afgang af gæsabringu, rjúpu eða annarri villibráð? Notaðu afganginn í ljúffengt salat og útbúðu sósu í blandaranum.

Hér er tillaga að samsetningu á salati:

Afgangur af heitreyktri gæsabringu

Klettasalat

Ofnbökuð sæt kartafla

Ofnbakaður rauðlaukur

Sellerístöngull

Valhnetur eftir smekk

Parmesan ostur eftir smekk

Sjálf notaði ég tvær gæsabringur, 1 sellerístöngul, 1/2 parmesan ost og skar niður með ostaskera, eina sæta kartöflu, 3 rauðlauka, tvo poka af klettasalati, handfylli af valhnetum og 2 msk hlynsíróp.

Aðferð:

Ofnbakið sæta kartöflu og rauðlauk í um það bil hálftíma við 200 gráður.

Setjið valhnetur á pönnu og hellið nokkrum dropum af hlynsírópi yfir og látið veltast á pönnunni í fimm mínútur.

Þegar sæta kartaflan og rauðlaukurinn eru tilbúin er þau sett til hliðar og látin kólna áður en þau eru sett út á salat.

Setjið klettasalat í skál, skerið niður gæsabringu og parmesan ost og blandið varlega saman. Þá er valhnetunum bætt út á og þegar sæta kartaflan og rauðlaukurinn eru orðin köld er þeim bætt út á og blandað saman.

Hindberjasósa

200 g hindber, mega vera frosin

1/2 dl eplaedik

1/2 dl ólífuolía

4 döðlur

Allt sett í blandara og maukað saman þangað til áferðin er flauelsmjúk.

Sósan er sett yfir salatið.

Verði ykkur að góðu.