Súperhollar möndluvöfflur sem allir geta útbúið
Vöfflur eru í miklu uppáhaldi hjá mörgum, sérstaklega undirritaðri og hennar fjölskyldu. Síðustu ár hafa speltvöfflur verið vinsælar en nú kveður við annan tón. Möndlumjöl er nýjasta uppáhalds „duft“ húsmóðurinnar.
Prófaðu að skipta hveitinu eða speltinu út fyrir möndlumjöl. Það er ákaflega ljúffengt. Það er mjög einfalt að búa til möndlumjöl með því að setja möndlur í blandarann. Í blandaranum frá Vitamix tekur það nokkrar sekúndur að gera 200 g af möndlum að dufti.
200 g möndlumjöl
50 g smjör, brætt
4 egg
1/2 tsk. salt
1 tsk. lyftiduft
2 dl hrísmjólk, sojamjólk eða kúamjólk.
Blandið öllu saman í skál og hrærið vel saman með pískara. Svo er vöfflunum skellt í vöfflujárnið.
Rjómi og sulta tilheyra ofan á vöffluna. Þú getur prófað að skipta rjómanum út fyrir gríska jógúrt. Það gerir sama gagn.
Verði ykkur að góðu!
