Í spilaboðum og jafnvel í áramótaboðinu er sniðugt að bera fram litla smárétti eða snarl. Í þá getur verið alveg tilvalið að nota ýmiss konar afganga sem annars daga uppi í ísskápnum. Kalt kjöt reynist vel í slíkt og svo eiga margir smáananas eða kannski ferskt salat sem eitthvað þarf að gera við. Á vefsíðu breska tímaritsins BBC Good Food má finna ótal hugmyndir að girnilegum smáréttum. Til að finna uppskriftirnir skal slegin inn slóðin hér að ofan og síðan skrifað „finger food“ í leitarvél síðunnar.

Þá opnast manni heilll heimur af sniðugum og einföldum hugmyndum. Sama hvort þú vilt galdra slíkt fram með skemmtilegu spili eða sem forrétt um áramótin. Í safninu má meðal annars finna uppskrift að einföldum litlum hvítlaukspitsum, fíkjum með prosciutto-skinku og ýmiss konar útfærslur af kokkteilpylsum. Þær eru ódýrt hráefni og tilvaldar til að búa til litla snarlrétti. Afgang af góðum osti má líka vefja inn í beikon og stinga í ofninn. Svo er bara að leyfa hugmyndafluginu að ráða sem mest.