Bollakökur með vanillukremi
Eva Laufey Kjaran Hermannsdóttir var í bökunarstuði um helgina og töfraði fram þessar girnilegu kökur.
„Um helgina þá bakaði ég vanillubollakökur og prufaði nýtt krem. Karamellukrem, sem er að mínu mati eitt það allra yndislegasta. Þið finnið uppskrift af vanillubollakökum í eldri færslum hjá mér,“ segir hún á bloggi sínu.
Það þarf að byrja að laga kremið deginum áður en við ætlum að nota það.
Karamellukrem
400 gr. karamellur (ég notaði í þetta sinn frekar stórar sem fást m.a. í sælgætisrekkanum í Shell og í Krónunni)
6 dl rjómi
Aðferð
Ósköp einföld aðferð. Setjum rjóma og karamellur í pott. Hitum við vægan hita og hrærum vel í, eftir nokkrar mínútur verður þetta orðið að dásamlegri sósu (það er náttúrlega súper að nota þessa sósu ofan á ís með ferskum ávöxtum, mmm en það er önnur saga, nú einbeitum við okkur að kreminu).
Svo færum við sósuna yfir í skál og setjum inn í ísskáp yfir nótt.
Næsta dag þá setjum við kremið í hrærivélina og hrærum í um það bil 3-4 mínútur.
Þá er kremið tilbúið og smakkast dásamlega.
Smá dúllerí að lokum. Þegar kremið var komið á kökurnar þá fannst mér eitthvað vanta, þannig ég bræddi fáeinar karamellur til og skreytti kökurnar með sósunni.
Það gaf kökunum afskaplega fallegan svip.
Mæli með að þið prufið.
Endilega like-ið og fylgist með blogginu á Facebook.
