„Það tekur skemmri tíma að búa til þessa hollu og góðu pítsu heldur en að panta pítsu og sækja hana“, segir Ebba Guðný Guðmundsdóttir sem eldar þessa frábæru gerlausu pítsu í nýjum þætti af Pure Ebba á MBL Sjónvarpi. „Mér finnst alltaf ótrúlega notalegt og þægilegt að hafa pítsu á föstudögum. Það sem ég geri er að ég baka deigið fyrst í fimm mínútur í ofninum, set svo tómatsósuna og ostinn og annað meðlæti á og baka hana svo aftur í fimm mínútur. Svo er náttúrulega um að gera að nota afganga á pítsuna“ segir Ebba að lokum.