Marta María Jónasdóttir
martamaria@mbl.is

Þegar löngunin í sætindi kemur upp er ekki verra að eiga eitthvað gott í frystinum. Þetta er súpereinfalt. Það tekur ekki nema tíu mínútur að útbúa heimatilbúið súkkulaði sem er án allra aukefna. Hráfæðisskvísan Kate Magic kenndi mér að gera svipað súkkulaði í haust en hér kemur mun einfaldari útgáfa.

1 dl kakósmjör

1 dl hreint lífrænt kakóduft

3 msk kakó nibs

1/2 dl hlynsíróp

1/2 tsk maldon salt

1/2 tsk lífrænt vanilluduft

Bræðið kakósmjörið yfir vatnsbaði. Setjið kakó, kakó nibs, maldon salt, vanilluduft og hlynsíróp í skál og hellið kakósmjörinu saman við og hrærið. Setjið í lítil sílikonform og setjið inn í frysti í nokkra klukkutíma.

Þegar súkkulaðilöngunin kemur upp er sniðugt að fá sér einn mola.