Gerge Clooney hefur viðurkennt að hann drekki stundum of mikið. Hann segist hafa verið kominn með nóg af sjálfum sér og víni, að minnsta kosti í bili, og hefur ekki snert áfengi frá því að hann skálaði í kampavíni um áramótin við kærustuna, Stacy Keibler.

Leikarinn opnar sig um málið í viðtali við Hollywood Reporter. Hann segist sem betur fer finna það hjá sjálfum sér hvenær sé komið nóg og orðið tímabært að hvíla sig á áfengi.

„Ég drekk stundum of mikið. Mér finnst gott að fá mér vín og gaman að njóta þess með öðrum. En það hafa komið tímabil í lífi mínu þar sem ég hef áttað mig á að ég hef farið yfir strikið,“ sagði Clooney. „Í þeim tilvikum hef ég ekki lengur notið þess að drekka vín og haft það skemmtilegt heldur setið að sumbli langt fram á nótt af engu tilefni.“