Berglind Guðmundsdóttir matarbloggari á Gulur, rauður, grænn og salt matbjó litríkt kjúklingasalat á dögunum. Það er ekki bara fallegt á litinn heldur einnig súperbragðgott.

4 kjúklingabringur
kjúklingakrydd
bbq honey mustard sósa
1 poki klettasalat
1 askja kirsuberjatómatar, skornir í tvennt
1 rauðlaukur
1/2 agúrka
1 Avocadó og/eða 1 mangó
100 g Ristaðar furuhnetur
1/2-1 krukka fetaostur (ekki setja olíuna með)
1 askja jarðaber
tortilla flögur

Salatdressing
1 dl olía
1/2 dl balsamic edik
1/2 dl dijon sinnep
1 dl hlynsíróp
1 hvítlauksgeiri, pressaður

Aðferð:

1. Skerið kjúklingabringurnar í litla munnbita og steikið á pönnu. Kryddið með kjúklingakryddi og þegar kjötið hefur „lokast“ er bbq-sósunni hellt út á pönnuna og kjúklingurinn látinn malla í henni þar til hann er eldaður í gegn.
2. Skerið grænmetið í hæfilega bita og raðið á disk.
3. Hellið kjúklingum yfir og stráið ostinum og furuhnetunum yfir allt. Endið á muldum nachosflögum.
4. Gerið sósuna með því að hræra öll hráefnin vel saman og berið hana fram með salatinu þannig að hver geti skammtað sér að vild.
5. Tyggið vel og lengi og njótið matarins til hins ítrasta!

Ljósmynd/Berglind Guðmundsdóttir

Tengdar fréttir

Uppskriftir

Dúndur gott túnfisksalat

• Lúxus núðluréttur á mettíma
• Svívirðilega góður núðluréttur með lambakjöti
• Unaðslega góð grafin bleikja
• Graskersbrauð sem yljar þér um hjartarætur

» Fleiri tengdar fréttir

• Blogga um frétt