Berglind Guðmundsdóttir matarbloggari á Gulur, rauður, grænn og salt útbjó girnilegan rósmarínkjúkling á dögunum sem hún vafði inn í parmaskinku. Þetta er alveg ekta föstudagsréttur - ljúffengur og einfaldur. 

60 ml ólífuolía
3 hvítlauksrif, skorin í þunnar sneiðar
rósmarín, fersk
10 kjúklingalæri, úrbeinuð
salt og pipar
10 sneiðar parmaskinka
2 sítrónur, skornar í báta/sneiðar
balsamedik

1. Látið ólífuolíu og hvítlauk saman í skál. Saxið um 1-2 msk af fersku rósmaríni og látið saman við.
2. Saltið og piprið kjúklingalærin og bætið þeim út í marineringuna. Ef þið hafið tíma er gott að leyfa þessu að liggja í smástund.
3. Vefjið kjúklinginn í hráskinkuna og látið litla rósmarín grein í miðjuna.
4. Dreypið smáolíu á kjúklinginn og grillið í um 12-15 mínútur eða látið kjúklinginn inn í 180°c heitan ofn í 35-40 mínútur. Varist að ofelda hann.
5. Kreistið sítrónu yfir hvern kjúklingabita og hellið smábalsamediki yfir áður en þið gæðið ykkur á þessari dásemd. Berið fram með góðu salati og t.d. kartöflumús.

Girnilegur kjúklingur áður en hann fór inn í ofn. Ljósmynd/Berglind Guðmundsdóttir

Tengdar fréttir

Uppskriftir

10 bestu hamborgararnir í tilefni sumardagsins fyrsta

• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa
• Salat vikunnar kemur úr leyndardómsfulla eldhúsinu í Húsó

» Fleiri tengdar fréttir

• Blogga um frétt