Það eru margar aðferðir sem koma til greina þegar grillaður kjúklingur er annars vegar. Ef þið eigið grilltein er það auðvitað tilvalin leið fyrir heilan kjúkling en
uppskriftir fyrir kjúkling á teini eru hér. Einhver fljótlegasta og þægilegasta leiðin er hins vegar að skera kjúklinginn í butterfly og grilla síðan.
Þegar búið er að skera/klippa kjúklinginn er þessi kryddblanda gerð:
- rifinn börkur af einni lime
- pressaður safi úr 1 lime
- 1 dl ólífuolía
- 3 msk paprika
- 1 tsk kóríander
- 1 tsk cummin
- 1 tsk óreganó
- 1 tsk chiliflögur
- klípa af kanil
- 2 tsk sjávarsalt
- 1 tsk nýmulinn pipar
Blandið öllu saman í skál og veltið kjúklngnum vel upp úr maukinu. Setjið í ísskáp og leyfið kjúklingnum að marinerast í að minnsta kosti 1-2 klukkustundir en gjarnan lengur, jafnvel yfir nótt. Það er líka þægilegt að setja kryddlögin og kjúklinginn í plastpoka og síðan inn í ísskáp.
Uppskrift: vinotek.is