Valentína Björnsdóttir, eigandi Krúsku og Móður náttúru, matbjó girnilegt sumarsalat þar sem bragðlaukarnir eru sendir í sannkallaða helgarferð. Ef þig langar að tríta þig með hollustu þá er þetta salat svarið en það sem gerir salatið svo sérstaklega gott er grillaða grænmetið sem er í því. Valentína notaði hefðbundna grillpönnu til þess að grilla grænmetið.
Sumarsalat Fyrir 2-4
2-3 Gulrætur skornar í strimla og bakaðar í ofni í 20 mínútur
1 Rauð paprika skorin í strimla og grilluð
½ Kúrbítur skorinn í sneiðar og grillaður
2 Nektarínur skornar í báta og grillaðar
Lambhaga salatblanda
1 dl Frosnar grænar baunir þýdda í heitu vatni 1 mínútu
Öllu raðað fallega saman á disk og dressingunni hellt yfir.
Engifer soja dressing
½ bolli olífuolia
1 msk. sesamolía
3 msk. góð sojasósa
½ bolli eplasafi
4 cm engifer
½ hvítlauksrif
3 msk. ferskt kóríander
½ tsk. ferskt chilli
3 msk. sítrónusafi
salt og svartur pipar
Allt sett í mixer og þeytt vel saman.