Matarbloggarinn Albert í Eldhúsinu er með tiltölulega auðvelda uppskrift af böku með sætum kartöflum sem er tilvalin með sunnudagskaffinu í sumar. 

Ágætt er að útbúa bökudeigið deginum áður og geyma í ísskáp, reyndar geymist það í nokkra daga. Bökur eins og þessa þarf ekki að bera fram beint úr ofninum, hún er jafngóð, ef ekki betri borin fram við stofuhita.

Botn:

• 3 dl (heil)hveiti
• 1 dl möndlumjöl
• 1 dl möluð hörfræ
• 1/3 tsk kanill
• 1/2 tsk salt
• 1 dl olía
• 1/2 – 1 dl vatn

Setjið öll hráefnin saman í skál og blandið saman með höndunum. Látið bíða á meðan fyllingin er útbúin.

Fylling:

• 300 g sætar kartöflur, skrældar og skornar í sneiðar
• 300 g gulrætur skornar í  sneiðar
• 1 laukur skorinn í þunnar sneiðar
• 3 hvítlauksgeirar, pressaðir
• 100 g fetaostur
• 3 egg
• 2 1/2 dl grísk jógúrt
• 1 tsk Dijon sinnep
• 1 tsk timían
• salt og pipar
• steinselja

Setjið kartöflur, gulrætur, lauk, hvítlauk og fetaost í skál. Blandið saman í annarri skál eggjum, jógúrt, sinnepi, timíani, salti og pipar. Hellið blöndunni yfir grænmetið og blandið saman. Þjappið deiginu í botninn og upp með hliðunum á kringlóttu bökuformi. Hellið „soppunni“ yfir bökudeigið og bakið við 170° í um 40 mín.  Stráið ferskri steinselju yfir.

Tengdar fréttir

Uppskriftir

Sigurkokteilarnir geta orðið sumarsmellirnir í ár

• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa
• Salat vikunnar kemur úr leyndardómsfulla eldhúsinu í Húsó
• Kimchi beikonborgarar með spæsí sósu

» Fleiri tengdar fréttir

• Blogga um frétt