„Endalausar sólarmyndir úr heimahögum mínum fyrir austan eru að buga mig. Nei ég lýg. Ég hef það fínt hérna. Étandi, fitnandi, rignandi niður og deyjandi úr D-vítamínskorti,“ segir Guðrún Veiga í sínum nýjasta pistli. Hún segir að sólarleysið skipti sig þó engu máli. Hún horfi bara á sjónvarpið, baki og hafi það kósí.
„Ég nýt mín mun betur fyrir framan sjónvarpið en í sólbaði. Ég hef til dæmis farið í sund einu sinni á síðustu 13 árum. Einu sinni! Ég nenni ekki sundlaugum þar sem ekki er seldur bjór. Fer bara í sund í útlöndum.“
Í tilefni af rigningunni ákvað Guðrún Veiga að gera tilraun með Oreo-kökur:
Í tilraunina þarf þrennt (magnið fer eftir því hversu mikið þið ætlið að búa til):
Oreo
Reese's Peanut Butter Cups
súkkulaði til þess að hjúpa
Tökum Oreoið í sundur. Við erum bara að fara að nota kremhlutana. Mmmm.
Einn Reeses's-biti settur ofan á.
Ó, augun mín. Mér líður eins og gömlum pervert að horfa á klám.
Bræðum súkkulaði.
Hjúpum dýrðina vandlega.
Inn í ísskáp í drjúga stund.
Guðrún Veiga segir að það dugi engin orð yfir þennan ofurbakstur.
„Ég ætla ekki að bera þetta saman við kynlíf með einhverjum eða neins konar sleikingar. Ekki í þetta sinn.“