Hérna kemur uppskrift að mettandi og hollri tortellini-súpu sem hentar vel á kvöldverðarborðið á köldu haustkvöldi.
Súpuna tekur um 20 mínútur að elda.
Fersk tortellini-súpa með spínati
Fyrir sex
600 g niðursoðnir tómatar
1½ matskeið ólífuolía
1 laukur, saxaður smátt
6 hvítlauksgeirar, saxaðir
8 bollar kjúklingasoð
2 bollar vatn
1 pakki tortellini
salt og pipar
1 teskeið sykur
200 g ferskt spínat, saxað
3 matskeiðar fersk basilíka, söxuð
½ bolli rifinn parmesanostur
Aðferð
1. Steiktu laukinn upp úr ólívuolíu í potti í nokkrar mínútur. Bættu þá hvítlauknum við og steiktu í um hálfa mínútu. Helltu þá kjúklingasoðinu saman við og bættu tortellini og tómötum út í. Saltaðu og pipraðu eftir smekk. Láttu sjóða í sjö mínútur (eða lengur, eftir því hvað stendur á tortelini-umbúðunum).
2. Að lokum er sykri, spínati og basilíku bætt út í súpuna og hún látin sjóða þar til spínatið er orðið mjúkt. Súpan er þá borin fram heit með rifnum parmesan-osti.
Uppskriftin kemur af Cooking Classy.