Þessi uppskrift kemur úr bókinni Rawsome Vegan Baking eftir Emily von Euw. Kökurnar minna á Oreo-kexið vinsæla en þessar smákökur eru mun hollari heldur en klassíska Oreo-kexið.
Hráefni
Kökudeig:
- ¾ bolli hafrar
- 1 bolli steinlausar döðlur
- 2 matskeiðar kakóduft
Vanillufylling:
- ½ bolli kasjúhnetur
- 21/2 matskeiðar kókosolía
- 1 teskeið vanilludropar
Aðferð
- Kökur: Settu hafrana í matvinnsluvél þar til út verður gróft „hveiti“. Bættu döðlunum og kakóduftinu út í og blandaðu vel þar til áferðin verður klístruð og blandan minnir á deig. Ef blandan er of þurr, bættu þá döðlum út í. Flettu deigið út á bökunarpappír og notaðu svo smákökuform til að skera út margar litlar hringlaga kökur. Láttu kökurnar standa í nokkrar klukkustunir ef þú villt hafa þær stökkar.
- Fylling: Blandaðu öllu hráefninu vel saman í matvinnsluvél. Athugaðu að þú gætir þurft að blanda smá vatni saman við til að mýkja blönduna. Kældu fyllinguna í ísskáp í þrjár klukkustundir og smyrðu henni svo á helminginn af kökunum, settu svo restina af kökunum ofan á fyllnguna. Þá ættir þú að vera komin með Oreo-hrákökur.
Einfalt og fljótlegt!
Þessar hrákökur er einfalt og fljótlegt að gera.
Ljósmynd/nourishandinspireme.com/