Súkkulaði er í uppáhaldi hjá mörgum en vandamálið er að súkkulaði er ekki beint það hollasta sem við látum ofan í okkur. En hérna kemur uppskrift af meinhollu „súkkulaði-konfekti“...án súkkulaðis!

Þetta sælgæti samanstendur af kasjúhnetum, döðlum og carob-dufti svo eitthvað sé nefnt. Carob-duft er einmitt gjarnan notað í staðinn fyrir kakóduft í uppskriftir því bragðið minnir á súkkulaði.

Hráefni:

• 1 bolli kasjúhnetur
• 4 matskeiðar carob-duft
• ½ bolli kókoshveiti
• 2 teskeiðar furuhnetur
• ¼ bolli vatn eða ferskur appelsínusafi
• 200 grömm döðlur

Aðferð:

1. Malaðu hneturnar saman í matvinnsluvél. Bættu svo restinni af hráefninu út í matvinnsluvélina og blandaðu þar til út verður þétt deig.

2. Byrjaðu að móta litlar kúlur úr deiginu. Þá er líka sniðugt að rúlla kúlunum upp úr smá carob-dufti eða kókoshveiti. Kúlurnar eru svo kældar inni í ísskáp. Þessar endast í allt að tvær vikur í kæli.

Þessi uppskrift kemur af heimasíðu Mind Body Green, en það var Þorbjörg Hafsteinsdóttir sem deildi uppskriftinni með lesendum. 

Þorbjörg Hafsteinsdóttir skrifaði bókina 10 árum yngri á 10 vikum. Hún veit eitt og annað um heilsusamlegt líferni.

Tengdar fréttir

Uppskriftir

Salat vikunnar kemur úr leyndardómsfulla eldhúsinu í Húsó

• Kimchi beikonborgarar með spæsí sósu
• Ferskt og gott rauðrófu carpaccio
• Bananabrauð eins og Telma vill það
• Sara Davíðs býður upp á nýjan vikumatseðil

» Fleiri tengdar fréttir

• Blogga um frétt