Kókosmakkarónur með pistasíum og trönuberjum

Kókosmakkarónur með pistasíum og trönuberjum.
Kókosmakkarónur með pistasíum og trönuberjum. Ljósmynd/Valdís

Flugfreyjan og matarbloggarinn Valdís Sigurgeirsdóttir útbjó girnilegar kókosmakkarónur á dögunum. Valdís heldur úti bloggsíðunni Ljómandi.is en þar er að finna úrval af súpergirnilegri hollustu. 

Hráefni

120 g kókosmjöl

2 egg

60 g erýtrítol m stevíu

1 tsk vanilluextrakt

börkur af einni sítrónu (allra helst lífræn)

25 g kókosolía (fljótandi)

smá salt

Súkkulaði

50 g bráðið súkkulaði (jafnvel aðeins meira ef þið viljið hafa súkkulaðið þykkt)

1 tsk kókosolía (fljótandi)

1 msk pistasíuhnetur

nokkur trönuber eða annar þurrkaður ávöxtur

  1. Hitið ofninn í 175 gr.
  2. Þeytið saman egg, sykur, vanillu, sítrónubörk og salt þangað til létt og ljóst, getur tekið smátíma.
  3. Hrærið olíunni og kókosmjölinu út í og látið standa í a.m.k. 15 mínútur eða þar til kókosmjölið hefur dregið í sig vökvann og deigið er orðið frekar stíft. Mér fannst 15 mínútur of stuttur tími svo ég setti skálina inn í ísskáp í ca. klukkustund.
  4. Mótið litlar keilur úr tæplega 1 msk af deiginu og setjið á bökunarpappír.
  5. Bakið í ofni í ca. 8-10 mínútur og takið úr ofninum þegar þær byrja að gyllast því ef deigið er of lengi í ofninum verður það alltof þurrt.
  6. Látið alveg kólna.
  7. Bræðið súkkulaðið í vatnsbaði.
  8. Saxið pistastíuhneturnar niður og trönuberin. Það er hægt að nota hvaða ávöxt sem er eins og þurrkað mangó og jafnvel að nota þurrkað, sætt engifer.
  9. Dýfið flata endanum á keilunum í súkkulaðið, jafnvel 2X og setjið á bakka með mjórri endann niður.
  10. Stráið pistasíunum og berjunum yfir.
  11. Geymist í kæli í ca. viku og lengur í frysti.
  12. Njótið!
Guðdómlega girnilegar kökur.
Guðdómlega girnilegar kökur. Ljósmynd/Valdís
mbl.is
Fleira áhugavert
Fleira áhugavert