Þessi „djúsí“ pastaréttur kemur af heimasíðunni HowSweetEats.com. Rétturinn er gómsætur einn og sér en það er einnig hægt að bæta smá kjúkling eða rækjum út í réttinn og gera hann þannig ennþá saðsamari. 

Rjómalagað tómatpasta

Fyrir 4-6

• 450 grömm heilhveitipasta
• 1 bolli af þinni uppáhalds pastasósu
• 1/3 bolli rjómi
• 1/3 bolli rifinn parmesanostur
• 100 grömm ferskur mozzarella, skorinn í teninga
• 1 askja af kirsuberjatómötum
• 1 lúka af ferskri basilíku

Forhitaðu ofninn í 180°. Sjóddu pastað samkvæmt leiðbeiningum.

Á meðan pastað sýður, hitaðu þá pastasósuna á pönnu. Bættu svo rjómanum og parmesanostinum saman við. Þegar pastað er tilbúið er það sett út í pastasósuna. Því næst er mozzarellaostinum (nema um 5 teningum)  bætt við ásamt tómötunum. Skerðu þá 3-4 basilíkulauf niður og bættu þeim út í pastað. Þegar öllu hefur verið blandað saman er pastað sett yfir í smurt eldfast mót. Restinni af mozzarellaostinum er þá stráð yfir. Pastarétturinn er svo bakaður inni í ofni í um 20 mínútur eða þar til osturinn er orðinn gylltur.

Pastað bragðast einstaklega vel með hvítlauksbrauði.

Þessi girnilegi pastaréttur bragðast vel með hvítlauksbrauði. Ljósmynd/ www.howsweeteats.com/

Tengdar fréttir

Uppskriftir

Salat vikunnar kemur úr leyndardómsfulla eldhúsinu í Húsó

• Ferskt og gott rauðrófu carpaccio
• Bananabrauð eins og Telma vill það
• Sara Davíðs býður upp á nýjan vikumatseðil
• Besta súkkulaðikaka allra tíma

» Fleiri tengdar fréttir

• Blogga um frétt