Þessar gómsætu döðlukúlur með kókos eru meinhollar og tilvalið snakk til að fá sér rétt fyrir ræktina. Þær er sniðugt að eiga til inni í ísskáp, uppskriftin kemur af Mind Body Green.
Hráefni:
- Tveir bollar steinlausar döðlur
- 1/4 bolli + 2 matskeiðar volgt vatn
- 3/4 bolli hafrar
- 1 bolli kókosflögur
- 1/4 bolli sesamfræ
- 1/4 bolli sólblómafræ
- 1/4 bolli + 1 matskeið saxaðar möndlur
Aðferð:
- Maukaðu döðlurnar og vatnið í matvinnsluvél þar til döðlurnar verða að mjúku mauki.
- Settu maukið í skál og hrærðu restinni af hráefninu saman við, öllu nema hálfum bolla af kókosflögum. Ef blandan er of blaut þá er smá höfrum bætt við hana.
- Mótaðu hæfilega stórar kúlur (u.þ.b. 12 kúlur) úr blöndunni og rúllaðu þeim upp úr möndluflögunum.
Kúlurnar geymast best í kæli.
Döðlurnar gefa kúlunum sætt bragð.